على حال البحر جالس

على حال البحر جالس
وبالي بالهواجيس غارق
يجيب العام مع اليوم
يجيب الهم بداخلي ويغرس
بأرضي ذكرى سيلها جارف
يجيب وجيه البشر وتسألني ؟!
علامك للحزن عنوان وتغني له مواويلك ؟
وليه لطيف هالذكرى ماتسل سيوفك ؟
أبي أتكلم لكني ألقى الصمت بآخر المشوار ..
ياكورنيش الدمام قلي ..
من اللي يجيك ولا يشكيلك ؟
الجالس الساكت .. بالله ماتسمع وناته على وتر موجك ؟
هذا اللي ينساك بالسنه مره .. ولا ينشد عن أخبارك ؟
ألا بابحر أدري ..
وسط موجك أحزان البشر تسكن ..
وعلى شطك .. يرمون بأرواحهم هلكاء ..
أقول أدري وأنا ما أدري عن كل مافيك !!
أبكي ولا تبكي .. صابر .. وآه يامدفىء موانيك ..
أشكي ولا أشكي إلا للي وهبني صوت مسموع ..
أكابر ولوعتي بالجوف تكويني .. أضحك ولا كني موجوع ..
أبرحل يابحر .. وبكره للبوح على جالك ميلاد ..